يا أهل الخير... صلّوا على الأنبيا... حيّيّ
.
منعلنلكون عن افتتاح هالمدوّنة الجديدة يلي بيحب يزورها أهلا وسهلا ويلي ما بيحب بحفض...
.
بس للأمانة التخريبيّة بحب خبّركون أنو كل مين بيوصلو هالإعلان لازم يتحمل نتيجة ردّة فعلو عليه!
.
لأن يلي بيستجيب وبيفتح المدونة من وقت لآخر وبيشاركني بردودو وآراؤو رح يصير معو شغلات حلوة على حسب نشاطو، ويلي بيهملها يا ويل ويلو من ظلام ليلو، وهي بعض الأمثلة:
.
في أبو عبدو المنتوف وصلو الإعلان وفتحو ويا ويلي شو انفتح عليه مصاري وحريم ورزق كتير...
.
ومرمورة البقرة يلي حلمها تتجوز قَرت الإعلان وجاوبت عليه وأرسلتو لكل صاحباتا... بنفس اليوم ها، بنفس اليوم... إجا حرامي على البيت وبالغلط فكّرها لولو بنت الجيران فات على الفرشة وهات يا دعك... وبس حسّت عليه مسكتو ودغري المسكين قبل يكون عريس الهنا يلي بدو يصير مع الوقت مستر قرون.
.
أمّا الست شرشورة يلي كلكون بتعرفوها ومنكون زايرينها وراكـ...ها وصلها هالإعلان، قام محتو وسبّت عَ يلي بَعتو... الله وكيلكون قلبت معا نشاف وما عاد زارها لا ركيّب ولا لحّيس.
.
رئيس دائرة النصب والرشاوي في إحدى أنشط دوائرنا الحكومية كمان كانت مرتو داعية عليه لأنو ما اشتارالها الـ... الاصطناعي يلي كان واعدها فيه، لأنو وضعو صاير صعب، وقام بإهمال هالإعلان ومندون سابق إنذار إجتو كبسة بنت حرام لا بترتشي ولا بينفع معها حريم وأخدوه عالخازووووووووووق بتهمة الرشوة.
.
بقى يلي سمع سمع ويلي ما سمع سمعوه ياه، واتّقو شر الخوازيق وقطع الأرزاق... سمعوا النصيحة ونشرولنا هالإعلان وفوتوا من وقت للتاني شوفو شو بيطلع معكون مسخرة وأكل هوا وشاركونا فيون.
.
لا تفكروني عم أمزح وسألوا شرشورة ولا تسألوا دكتور الحريم.
.
ملاحظة: بلا بزق كتير بتشتش بسرعة.
.
.
.
هناك تعليقان (2):
سلامٌ عليكَ يا غجريّاً يقتاتُ من شنشلة الأعراض... أمّا بعد!
بلغني أنَّ الغجريَّ يُجيدُ الرَّقصَ على أنغامِ شظف العيشِ ومرارةِ الأيّام وقسوتها، فهل تُجيدُ ذلك أنتَ أيضاً؟!
أهنّئك أيّها الغجريّ على افتتاحِ مدوّنتك الجديدة، وآملُ أن تحظى بقبولِ روّادها وزوّارها، فينتفعوا منها ويلقوا زوّادةً مهما قلَّ ثمنها أو كثر!
فأمّا عن مادّتك "بلا مزح" فهي طريفةٌ ظريفةٌ تُعالجُ واقعاً أصابَ عقولَ العامّة، وليفهم من يستطيع إلى الفهم سبيلا...
إلى اللقاء في "غجريّة" أخرى.
يا سيمونة ويا غالي ضلّ تنقّل عَ كل المواني، ولاتنسى مينانا تزور وتفرشو بكلامك ورد وزهور.
غجري أنا وبَرقُص كتير!! بس لا تفكرني من الوجع فقير... يمكن أنا متل يالّي بيطير، بيرقوص حتى لو نجرح كتير!
ويالّي بيفهم رقصنا بيعلّي بالفهم أكتر من جرير، ويالّي ما بيفهم لطيز ابني الصغير. (:
إرسال تعليق